{"id":4611,"date":"2023-02-08T20:30:30","date_gmt":"2023-02-08T19:30:30","guid":{"rendered":"https:\/\/histoireinnue.ca\/?page_id=4611"},"modified":"2023-11-28T23:59:02","modified_gmt":"2023-11-28T22:59:02","slug":"legende-de-tshakapesh","status":"publish","type":"page","link":"https:\/\/histoireinnue.ca\/?page_id=4611","title":{"rendered":"TSHAKAPESH (l\u00e9gende)"},"content":{"rendered":"\n<p class=\"has-text-align-center has-medium-font-size wp-block-paragraph\">R\u00e9cit de la l\u00e9gende de Tshakapesh par Charles Api Bellefleur<\/p>\n\n\n\n<figure class=\"wp-block-video aligncenter wp-block-embed is-type-video is-provider-videopress\"><div class=\"wp-block-embed__wrapper\">\n<iframe title=\"VideoPress Video Player\" aria-label='VideoPress Video Player' width='736' height='414' src='https:\/\/videopress.com\/embed\/MZoR99mz?cover=1&amp;posterUrl=https%3A%2F%2Fhistoireinnue.ca%2Fwp-content%2Fuploads%2F2023%2F02%2Ftshakapesh_legende-540p_mp4_avc_240p.original.jpg&amp;preloadContent=metadata&amp;useAverageColor=1&amp;hd=1' frameborder='0' allowfullscreen data-resize-to-parent=\"true\" allow='clipboard-write'><\/iframe><script src='https:\/\/v0.wordpress.com\/js\/next\/videopress-iframe.js?m=1674852142'><\/script>\n<\/div><figcaption>R\u00e9cit de la l\u00e9gende de Tshakapesh par Charles Api Bellefleur, audio 36:36<\/figcaption><\/figure>\n\n\n\n<p class=\"has-medium-font-size wp-block-paragraph\"><\/p>\n\n\n\n<div data-wp-interactive=\"core\/file\" class=\"wp-block-file\"><object data-wp-bind--hidden=\"!state.hasPdfPreview\" hidden class=\"wp-block-file__embed\" data=\"https:\/\/histoireinnue.ca\/wp-content\/uploads\/2023\/02\/Transcription-legende-Tshakapesh.pdf\" type=\"application\/pdf\" style=\"width:100%;height:460px\" aria-label=\"Contenu embarqu\u00e9 Transcription le\u0301gende Tshakapesh.\"><\/object><a id=\"wp-block-file--media-c095d1bd-e1fb-4eb0-9bf9-8c9de5b47153\" href=\"https:\/\/histoireinnue.ca\/wp-content\/uploads\/2023\/02\/Transcription-legende-Tshakapesh.pdf\">Transcription le\u0301gende Tshakapesh<\/a><a href=\"https:\/\/histoireinnue.ca\/wp-content\/uploads\/2023\/02\/Transcription-legende-Tshakapesh.pdf\" class=\"wp-block-file__button wp-element-button\" download aria-describedby=\"wp-block-file--media-c095d1bd-e1fb-4eb0-9bf9-8c9de5b47153\">T\u00e9l\u00e9charger<\/a><\/div>\n\n\n\n<p class=\"has-text-align-center has-medium-font-size wp-block-paragraph\">R\u00e9cit de la l\u00e9gende Tshakapesh en langue innue<\/p>\n\n\n\n<p class=\"wp-block-paragraph\">Tshakapesh iteu utishkuema; \u00abAshtam uitsheu nanituapamatau ushkuai.\u00bb<\/p>\n\n\n\n<p class=\"wp-block-paragraph\">Ekue itutetau anite pessish ashtamaut anite menashkuanit. Ekuta e nitautshit kassinu eshinakushit mishtik<sup>u<\/sup> kie ushkuai.<\/p>\n\n\n\n<p class=\"wp-block-paragraph\">Ekuta nenitshishkuatau nenua Katshituashkua, ekue nipeikutau.<\/p>\n\n\n\n<p class=\"wp-block-paragraph\">Anitshenat innuat, tenishapana utanishuaua, ek<sup>u<\/sup> ne ishkuess ueniat uikanisha ekue nanituapamat. Ekue uapatak anite ka nipeikunit nenua Katshituashk<sup>u<\/sup> uikanishuaua.<\/p>\n\n\n\n<p class=\"wp-block-paragraph\">Muk ushima ekue taniti. Apishissishinua. Eshk<sup>u<\/sup> anite tenua atamit nenua massimuteutit ukauia. Katshituashk<sup>u<\/sup> nutim<sup>u<\/sup> nenu ishkueua muk anite e taniti nenua auassa apu mitshuat.<\/p>\n\n\n\n<p class=\"wp-block-paragraph\">Ekue tshiuetiat ne ishkuess ushima anite uitshuat, ekue ana tanite putat. Ekue tutak tshipaikannu, ushkuannu apatshitau.<\/p>\n\n\n\n<p class=\"wp-block-paragraph\">Natshe, ne uass ekue shenak nenu tshipaikanu. Kie shassikut, shash apu.<\/p>\n\n\n\n<p class=\"wp-block-paragraph\">Shash metueu, ekue kukuetshimat umisha \u00abTutu nitatshapi kie nikushkuat\u00bb iteu.<\/p>\n\n\n\n<p class=\"wp-block-paragraph\">Ekue tutamuat e apitshissishiniti utatshapinua.<\/p>\n\n\n\n<p class=\"wp-block-paragraph\">Ekue unuit, ekue metuet. Ekue pikunat nenua utatshapia.<\/p>\n\n\n\n<p class=\"wp-block-paragraph\">Kutuka ekue tutuakaniti anu e mishishtiniti, kie tatuau piakunati, eiapit tutuenua utatshapia. Nuasht uin ekue tutamatishut nutim<sup>u<\/sup> peik<sup>u<\/sup> mishtukua e apatshiat.<\/p>\n\n\n\n<p class=\"wp-block-paragraph\">Nenua ushima nitautshinua. Tshassikut ekue itenitaminiti. \u00ab\u00a0Ninitautshinan ek<sup>u<\/sup> apu uikanishiat, apu tat nutauinan kie nikauinan\u00ab\u00a0. Ekuenanituapamat nenua umisha, ekue itat&nbsp;: \u00abNimish, tshekuan uet eka tatau tshikanishinnuat? Tshekuan muk<sup>u<\/sup> tshinanu uet taiak<sup>u<\/sup> enishiak<sup>u<\/sup>? Tshekuannu uet eka tatau tshutauinnu kie tshikauinnu?\u00bb<\/p>\n\n\n\n<p class=\"wp-block-paragraph\">Ekue itukut&nbsp;: \u00abTanite tshi ut teuat ute, nipaikupanat Katshituashkua.\u00bb<\/p>\n\n\n\n<p class=\"wp-block-paragraph\">Ek<sup>u<\/sup> nenu iapikunat ushkuannu. Nin au tshimamushitinititi. Ekuat anite tshinakatukuti ne massimuteush, eukuannu nenu muk<sup>u<\/sup> Katshituashk<sup>u<\/sup> apu tut mitshit.<\/p>\n\n\n\n<p class=\"wp-block-paragraph\">-Eshe. Iteu.<\/p>\n\n\n\n<p class=\"wp-block-paragraph\">Ekue tshitutet, natshi natauu ashit kukuetshimeu umisha&nbsp;: \u00abTanite etat ne Katshituashk<sup>u<\/sup>?\u00bb<\/p>\n\n\n\n<p class=\"wp-block-paragraph\">\u00abEka uin nanituapam\u00bb ituku. Anite takutaut teu, nete pessish eshkuamashekanit, ekuta etat.\u00bb ituku nenua umisha, \u00abapu tshikut shakuit\u00bb.<\/p>\n\n\n\n<p class=\"wp-block-paragraph\">\u00abEukuan, iteu, nimish tshikushtatshimin\u00bb.<\/p>\n\n\n\n<p class=\"wp-block-paragraph\">Pepamutikuet ekue itat nenua umisha&nbsp;: \u00abNimish tshishiti a Katshituashk<sup>u<\/sup> nika nipeik?\u00bb<\/p>\n\n\n\n<p class=\"wp-block-paragraph\">\u00abApu tshissenimak. Uesh umisha itikupan tshe eka nanatuapamat nenua Katshituashkua ekue itat&nbsp;: \u00abAit nete nika ituten, nimish\u00bb.<\/p>\n\n\n\n<p class=\"wp-block-paragraph\">Ekue tshituter, ait nete tetshe ituteu, anite eka taniti nenua Katshituashkua. Nete eshpish eka uapamikut umisha, kau ekue tshiuet, ekue nanituapamat Katshituashk<sup>u<\/sup>.<\/p>\n\n\n\n<p class=\"wp-block-paragraph\">Ekue itutet nete takutaut, ekue amitshuet. Eshk<sup>u<\/sup> apu tut shuk<sup>u<\/sup> mishishtit. Ekue matitat nenua mashkua. \u00abkuishk<sup>u<\/sup> nana nete itutenua kie mitshetuat pimutenishapana. Muk aiat kie shakau, kie peikutau itamu ne meshkanu ekue itutet.<\/p>\n\n\n\n<p class=\"wp-block-paragraph\">Tekushiniti eshkuamishekanit, ekue nikamut;&nbsp;<\/p>\n\n\n\n<p class=\"wp-block-paragraph\">-Katshituashk<sup>u<\/sup>,<\/p>\n\n\n\n<p class=\"wp-block-paragraph\">-Nutaui ka nipeikuat<\/p>\n\n\n\n<p class=\"wp-block-paragraph\">-kie nikaui.<\/p>\n\n\n\n<p class=\"wp-block-paragraph\">Eukuannu nenu etutet. Katshituashk<sup>u<\/sup> ekue petuat, ekue issishuet&nbsp;: \u00abA, A, eukuan ne ka ishkunak tekushinit\u00bb.<\/p>\n\n\n\n<p class=\"wp-block-paragraph\">Minuat ekue itat nenua mashkua ka kashteushiniti: \u00abMatshi nanitu-natshishku, uapamishki, tshika nipeienitam<sup>u<\/sup>\u00bb.<\/p>\n\n\n\n<p class=\"wp-block-paragraph\">Ekue pashakut ne ka kashteushit mashk<sup>u<\/sup>, ekue naitu-natshikuat Tshakapesha.<\/p>\n\n\n\n<p class=\"wp-block-paragraph\">Ek<sup>u<\/sup> ne uin petueu tekushinniti ekue issishuet: \u00abNamieu an\u00bb.<\/p>\n\n\n\n<p class=\"wp-block-paragraph\">Ne ka kashteushit mashk<sup>u<\/sup> ekue shakashkuaik, ekue kukuetshimat&nbsp;:\u00abTshekuan ua apatshitain?\u00bb<\/p>\n\n\n\n<p class=\"wp-block-paragraph\">Katshituashk<sup>u<\/sup> ninanituapamau ne ka nipiat tutauia kie nikauia. Namieu tshin ua natshishkatan kie nakutuenimitishui, tshika uapaten ishpish pikutaian! Matshi tshiue\u00bb iteu Tshakapesh nenua ka kashteushiniti mashkua.<\/p>\n\n\n\n<p class=\"wp-block-paragraph\">Minuat uapashk ekue uanuit, ekue nanitu natshishkuat nenua Tshakapesha.<\/p>\n\n\n\n<p class=\"wp-block-paragraph\">Anitshenat kutakat mashkuat ekue itatau; \u00abEk<sup>u <\/sup>tshin uapishk<sup>u<\/sup>, matshi nanitu-natshishku. Ne ishpish kushtashinakushin, eukuat tshe patshishinit, tshe nipit.\u00bb<\/p>\n\n\n\n<p class=\"wp-block-paragraph\">Tshakapesh petueu nenua uapishkua peshikuniti kie nanituapamikut.<\/p>\n\n\n\n<p class=\"wp-block-paragraph\">Namieu eshk<sup>u<\/sup> itenimeu.<\/p>\n\n\n\n<p class=\"wp-block-paragraph\">Ne uapashk<sup>u<\/sup> ekue shakashkueik, ekue kukuetshimat&nbsp;: \u00abTshekuan ua apatshitain?\u00bb<\/p>\n\n\n\n<p class=\"wp-block-paragraph\">\u00abNinanituapamau Katshituashk ituku, ne ka nipiat nutauia kie nikauia. Matshi tshiue tshitshuat\u00bb , iteu Tshakapesh. Ne uapashk<sup>u<\/sup> ekue tshiuet uitshuat.<\/p>\n\n\n\n<p class=\"wp-block-paragraph\">Katshituashk<sup>u<\/sup> ekue kukuetshimat&nbsp;:\u00abTshekuan tshituk? Peikutau eiapit nituk, iteu ne uapashk<sup>u<\/sup>. Nui natshishkuau Katshituashk<sup>u<\/sup>, ne ka nipiat nutauia kie nikauia, eukuan eshit\u00bb.<\/p>\n\n\n\n<p class=\"wp-block-paragraph\">\u00abTshin matashau\u00bb iteuat anitshenat muashkuat. \u00abMatshi nanitu-natshishku. Ne ishpish kushtashinakushin, eukuat tshe patshishinit, tshe nipit.\u00bb<\/p>\n\n\n\n<p class=\"wp-block-paragraph\">Matashu ekue pashikut kie Tshakapesh petueu tekushinniti ekue issishuet: \u00abNamieu ne ua uapamak.\u00bb<\/p>\n\n\n\n<p class=\"wp-block-paragraph\">\u00abMatshi tshiue, iteu Tshakapesh \u00ab\u00a0Katshituashk<sup>u<\/sup> nui uapamau, eukuan ka nipiat nutauia kie nikauia, eukuan ua natshishkuk<sup>u<\/sup>.<\/p>\n\n\n\n<p class=\"wp-block-paragraph\">Tshakapesh ekue itat nenua mashkua:\u00abNakatuenimitishu, tshika uapaten eshpish pikutaian.\u00bb<\/p>\n\n\n\n<p class=\"wp-block-paragraph\">Ue mitishu tshauet anite uitshuat, ekue issishuet: \u00abPeikutau eiapit nituk miam nenua kutaka ka itat.\u00bb<\/p>\n\n\n\n<p class=\"wp-block-paragraph\">Katshituashk<sup>u<\/sup> ekue issishuet. \u00abTshika patshishinnu, tshe nipit umennu uapamiti!\u00bb<\/p>\n\n\n\n<p class=\"wp-block-paragraph\">Tshakapesh pituat katshituashkua tekushiniti, ekue issishuet: \u00abEtshe tekushinnit, ekue nitakushipatat, ekue natat utatshapi kie ukashkua. \u00ab\u00a0Ekute ume pinishu ekuat tshe uepinit ashit nenu ussun tshi minamit\u00ab\u00a0, itenimeu Tshakapesh.<\/p>\n\n\n\n<p class=\"wp-block-paragraph\">Katshituashk<sup>u<\/sup> ekue shakashkuaik.<\/p>\n\n\n\n<p class=\"wp-block-paragraph\">Tshakapeh anite pimishinu anite umeshkanaminit nenua Katshituashkua. Miam nepit eukuan eshinakushit. \u00abA ua ne, ka ui natshishkuat Katshituashkua\u00bb issishueu Katshituashk<sup>u<\/sup>, kie itenimeu: \u00ab\u00a0Petut takushinuki, eukuat tshe patshishinit tshe nipit.<\/p>\n\n\n\n<p class=\"wp-block-paragraph\">Ekue tatatishkuat nenua Tshakapesha. \u00ab\u00a0Tshima uepashkut ashit nenu ussun, itenimeu nete panashu\u00bb itenimeu Tshakapesh\u00bb.<\/p>\n\n\n\n<p class=\"wp-block-paragraph\">Katshituashk<sup>u<\/sup> ekue uepinat nete pessish etaniti nenua utatshapinua, ekue nashuat nenua Tshakapesha minuat eukuan etenitak&nbsp;: \u00ab\u00a0Minuat anu pessish nika uepinuk\u00ab\u00a0 itenimeu.<\/p>\n\n\n\n<p class=\"wp-block-paragraph\">Ek<sup>u<\/sup> ne Katshituashk<sup>u<\/sup> minuat ekue utamuat.<\/p>\n\n\n\n<p class=\"wp-block-paragraph\">Tshakapesh kukuanitshiniku anite shek<sup>u<\/sup> ushpitunit, ekue papit. Minuat Katshituashk<sup>u<\/sup> ekue uepinat nete miam etaniti utatshapinua, ekue pashakushipatat ne Tshakapesh tshekat ushimuku nenua Katshituashkua ekue utshipatat utatshapima.<\/p>\n\n\n\n<p class=\"wp-block-paragraph\">Katshituashk<sup>u<\/sup> ekue kukuetshimat:\u00ab\u00a0Tshekuan ua apashtain?`<\/p>\n\n\n\n<p class=\"wp-block-paragraph\">\u00abNinanituapamau Katshituashk<sup>u<\/sup>. Ne ka nipiat nutauia kie nikauia. Eukuan ua natshishkuk.\u00bb iteu Tshakapesh.<\/p>\n\n\n\n<p class=\"wp-block-paragraph\">\u00abApu nita tshikut nipeit, mishkushiu tshetshi nipiakanit\u00bb, iteu ne Katshituask<sup>u<\/sup>.<\/p>\n\n\n\n<p class=\"wp-block-paragraph\">\u00abMiam ne mineik ka tshimishua, eukuan ishpish mishkushit. Tshutaui nipeikupan Katshituashk<sup>u<\/sup>\u2026 Tshitapan ne mineik.\u00bb iteu ne Katshituashk<sup>u<\/sup>.<\/p>\n\n\n\n<p class=\"wp-block-paragraph\">Ekue itukut&nbsp;:\u00abMishkushiu miam neme ashtamishet, tshitapam mate.<\/p>\n\n\n\n<p class=\"wp-block-paragraph\">Tshakapesh ekue pimutukuatak anite ashtamishet nutim<sup>u<\/sup> ekue nishipannit.<\/p>\n\n\n\n<p class=\"wp-block-paragraph\">Katshituashk<sup>u<\/sup> eukuannu ueshimat nenua Tshakapesha ashit nikamu nianituapamat ukashkua. Apu tshissenitakushit muk tan ituetshe, kie nimushum apu tshissenimat.<\/p>\n\n\n\n<p class=\"wp-block-paragraph\">Minuat ekue unikaput Tshakapesh, ekue pimutukuatat Katshituashk<sup>u<\/sup> anite ushukunnit.<\/p>\n\n\n\n<p class=\"wp-block-paragraph\">Ekue patshishinnit anite upime.<\/p>\n\n\n\n<p class=\"wp-block-paragraph\">\u00abShash kueshte ni tshi tutuau nutaui ka nipeikut Katshituashk<sup>u<\/sup>\u00bb,issishueu Tshakapesh.<\/p>\n\n\n\n<p class=\"wp-block-paragraph\">\u00abEukuan tshi nikatshin\u00bb iteu Katshituashk<sup>u<\/sup>.<\/p>\n\n\n\n<p class=\"wp-block-paragraph\">\u00abTanite uet tshi issishuein tshinikatshin?\u00bb, ekue itat ne Tshakapesh.<\/p>\n\n\n\n<p class=\"wp-block-paragraph\">\u00abTshin an ka nikatshiin, ka nipeit nutaui. Nimish nimishkakuti. Tshin an ka nikatshiin.\u00bb<\/p>\n\n\n\n<p class=\"wp-block-paragraph\">\u00abTiet nipei\u00bb iteu ne Katshituashk<sup>u<\/sup>.<\/p>\n\n\n\n<p class=\"wp-block-paragraph\">Katshi nenu tshish-aimitutau, Tshakapesh ekue nipiat Katshituashk<sup>u<\/sup>.<\/p>\n\n\n\n<p class=\"wp-block-paragraph\">Ekue matishuat, naikuat, pakunat, ekue nananituapatamuat utauia ushkanua kie ukauia. Muk apu mishkamuat. Mishkuamuatakue ushkannua nenua utauia kie ukauia, tshipa tshi tutuepan kau tshetshi inniuniti uikanisha. Muk<sup>u<\/sup> upishkueunnua ut mishkamueu.<\/p>\n\n\n\n<p class=\"wp-block-paragraph\">Ekue uepinamuat nenu utauia upishkueunua anite mishtikut.<\/p>\n\n\n\n<p class=\"wp-block-paragraph\">\u00abEukuan ne anutshish ka tshikamueini mishtikut tshekuan\u00bb issishueu.<\/p>\n\n\n\n<p class=\"wp-block-paragraph\">Aimitishu ekue ititishut&nbsp;: \u00abTshekuan nipa tshiuetan nitshinat? Ushtikuan nenu mashk<sup>u<\/sup>, eukuan tshe tshiuetaian! Ek<sup>u<\/sup> nimish? Uiash-amishkunu nika tshiuetuau uin tshe apashtat, issishueu.\u00bb Eukuannu eshi tshiuetat!&nbsp;<\/p>\n\n\n\n<p class=\"wp-block-paragraph\">Tiekushinit nete, ekue itat umisha:\u00abShash kueshte nitshi tutuau nutaui kie nukaui ka nipeikut Katshituashk<sup>u<\/sup>.<\/p>\n\n\n\n<p class=\"wp-block-paragraph\">\u00abTshi nanituapamati a ne?\u00bb ituku umisha.<\/p>\n\n\n\n<p class=\"wp-block-paragraph\">\u00abTapue ninatituapamati\u00bb iteu. \u00abMatahi shatshuapat ne ushtikuan-mashk<sup>u<\/sup>, tshe tshissimin. Eukuan ne tshin ne uin. Tshe tshissimin ne uiash, tshe mitshimin. Nin kau nika tshituten, nika nanit-anakutshashuten\u00bb iteu.<\/p>\n\n\n\n<p class=\"wp-block-paragraph\">Tshakapesh muk anakutshasha ishi-natauuipan.<\/p>\n\n\n\n<p class=\"wp-block-paragraph\">Katshi tshituten, anite etat, ekue petuat mianiti umisha.<\/p>\n\n\n\n<p class=\"wp-block-paragraph\">\u00ab\u00a0Tshekuanitshe uet mat\u00ab\u00a0 itenimeu. Enitshe nenu ushtikuan-mashk<sup>u<\/sup>\u2026\u00ab\u00a0 Iteshipan nenua umisha tshe eka mitshiniti.<\/p>\n\n\n\n<p class=\"wp-block-paragraph\">Ek<sup>u<\/sup> ne uin nenu tshassik ushtikuannnu menikatenit, ekue pakuepatak ekue mtshit apishish.<\/p>\n\n\n\n<p class=\"wp-block-paragraph\">Ekue utshipitakut utapassikan, apu tshi shenak utun.<\/p>\n\n\n\n<p class=\"wp-block-paragraph\">Tshakapesh ekue tshiuet tekushinit nete&nbsp;:\u00abTan eitin? Iteu.<\/p>\n\n\n\n<p class=\"wp-block-paragraph\">Ekue utinak mishtikunu eukuannu sheashkuaimuat utunnu.<\/p>\n\n\n\n<p class=\"wp-block-paragraph\">\u00abMuk nishtumitshitin tshika tshi shepanu\u00bb iteu. Kie inniutau minuat innuat , eukuan tshe ishpish shepannit nishtumitshitin utunnuaua.<\/p>\n\n\n\n<p class=\"wp-block-paragraph\">Ekue tshi shenamuat umisha utunnu.<\/p>\n\n\n\n<p class=\"wp-block-paragraph\">Ekue itat: \u00abEukuan ishpish mitshishu, ne uiash mitshi.\u00bb<\/p>\n\n\n\n<p class=\"wp-block-paragraph\">Katshi mitshit nenu ushtikuanu, minuat ekue tshitutet, ekue itat umisha: \u00abNitshituten ninanitu-anakutshashuten\u00bb.<\/p>\n\n\n\n<p class=\"wp-block-paragraph\">Minuat Tshakapesh ekue itat umisha: \u00abNimish, nipuamiti, tshitishinatan ka nunikua. Nakashk<sup>u<\/sup> anite ka pakushtuepanua, ekue nituapamak, ek<sup>u<\/sup> ne katshemeshukunieut ekue akumit.\u00bb<\/p>\n\n\n\n<p class=\"wp-block-paragraph\">Tshakapesh peikuau ekue unuitiat utatshapi, kau ekue eka takushinit.<\/p>\n\n\n\n<p class=\"wp-block-paragraph\">Umisha ekue itenimikut:\u00ab\u00a0Enitshe ka ishit.\u00ab\u00a0<\/p>\n\n\n\n<p class=\"wp-block-paragraph\">Ekue tshitutet ekue nanituapamat nenua ushima.<\/p>\n\n\n\n<p class=\"wp-block-paragraph\">Muk<sup>u<\/sup>utatshapinua ut mishkueu, ekue mat.<\/p>\n\n\n\n<p class=\"wp-block-paragraph\">Katshi tshishi mat, ek<sup>u<\/sup> piashteniti ussishikua, ekue tutak kashkannu ekue kusset.<\/p>\n\n\n\n<p class=\"wp-block-paragraph\">Umisha katshi paskushtuaiminiti ukushkanu, Tshakapesh ekue itat nenua matimekua&nbsp;:\u00abMatshi nataim<sup>u<\/sup> nenu nimish ukashkan\u00bb.<\/p>\n\n\n\n<p class=\"wp-block-paragraph\">Ushkat nenua nepianiti umisha namesha, mishta-mishanu ushkatanua (ventre). Minuat mitshet ekue nipianiti.<\/p>\n\n\n\n<p class=\"wp-block-paragraph\">Katshi tshishi kusseniti, ekue naikuat ne ishkuess nenua namesha.<\/p>\n\n\n\n<p class=\"wp-block-paragraph\">Ushkat umuennu shienat ka makunat, nenua ka mishaniti ushkatanua.<\/p>\n\n\n\n<p class=\"wp-block-paragraph\">Tshakapesh ekuat uet iniut, ashit issishueu&nbsp;: \u00abEi nimish, tshekat tshimatishaun!\u00bb<\/p>\n\n\n\n<p class=\"wp-block-paragraph\">Minuat, Tshakapesh ekue tshitutiat utatshapia, nanitu-anakutshashueteu.<\/p>\n\n\n\n<p class=\"wp-block-paragraph\">Anite etat, ekue petuat auennu mishkamia pakuneuennua.<\/p>\n\n\n\n<p class=\"wp-block-paragraph\">\u00abNimish tshissenimetshe\u00bb iteu. Nika tshiuen pitama tshe uauitamik<sup>u<\/sup>. Ekue tshiuet uitshuat, ekue itat umisha: \u00abNipetuauat auenitshenat pakuneuatau mishkamia.\u00bb<\/p>\n\n\n\n<p class=\"wp-block-paragraph\">\u00abEka uin naniituapamat iteu nenua ushima. Amishkua nanituapameuat kamishishtiniti. Ek<sup>u<\/sup> auennua uetitikutau, shitshimeuat tshetshi utinaniti nenua amishkua. Ek<sup>u<\/sup> ne uin ekue pakushtuepatikut nenua ka mishishtinit amishkua\u00bb iteu nenua ushima.<\/p>\n\n\n\n<p class=\"wp-block-paragraph\">\u00abAnitshenat ka mishishtiniti amishkuat pakushtuepateuat auennua ekue uaushinuatau\u00bb.<\/p>\n\n\n\n<p class=\"wp-block-paragraph\">\u00abEukuan nimish, tshikushtatshimin, ait nete nika ituten. Apu tshikut nanituapamakau.\u00bb<\/p>\n\n\n\n<p class=\"wp-block-paragraph\">Ekue tshitutet, ait nete ekue itutet. Ashit issishueu&nbsp;:\u00abApu tspuetuk\u00bb nenu ishit nimish, nika shatshuapamauat. Ekue nituapamat. Ekue takushinit nete shakaikanit shit shipassiteu utatshia. \u00abManiteu tskushinu\u00bb, issishuanu. Minatau tshetshi utshipatat amishkua, tshe uaushinuauk<sup>u<\/sup> pakushtuepatikut\u00bb, issishueuat uinuau anite aimituat.<\/p>\n\n\n\n<p class=\"wp-block-paragraph\">Tekushiniti Tshakapesh, ekue pimutikuet, mishta uatshipanua nenua ukashkua.<\/p>\n\n\n\n<p class=\"wp-block-paragraph\">\u00abUtshipish ne amishk<sup>u<\/sup>\u00bb, iteuat. \u00abTshika uaushinuakanu pakushtuepatikut.\u00bb Uinnuau anite itutuat.<\/p>\n\n\n\n<p class=\"wp-block-paragraph\">Ekue ueueshtauatau anite ut, utshipatanit nenua amishkua.<\/p>\n\n\n\n<p class=\"wp-block-paragraph\">\u00abManiteu issishueuat\u00bb. Apu nit uapatak umuennu aitinanunit. Tshika utshipatau ne amishk<sup>u<\/sup>.<\/p>\n\n\n\n<p class=\"wp-block-paragraph\">\u00abShash a tshi uapaten ne?\u00bb iteuat.<\/p>\n\n\n\n<p class=\"wp-block-paragraph\">\u00abMauat nin\u00bb iteu.<\/p>\n\n\n\n<p class=\"wp-block-paragraph\">\u00abTshitapaminan, tshe tutamat, iteuat, eukuan ne kie tshin tshe aitin\u00bb.<\/p>\n\n\n\n<p class=\"wp-block-paragraph\">Tshakapesh ekue tshitapamat. Anite ut utshipitenua ushpishkunit, ekue unauitashinanit anite nipi. Nishukuenua nenu uenitashinaniti.<\/p>\n\n\n\n<p class=\"wp-block-paragraph\">\u00abEukuan umue tshe tutamin\u00bb, iteuat. &nbsp;<\/p>\n\n\n\n<p class=\"wp-block-paragraph\">\u00abEukuan miam\u00bb iu Tshakapesh, \u00abmuk peikuau nika tuten\u00bb.<\/p>\n\n\n\n<p class=\"wp-block-paragraph\">\u00abAnite api\u00bb,, iteuat. Katshi ueuetinatau anite tshe apinit.<\/p>\n\n\n\n<p class=\"wp-block-paragraph\">Tshakapesh ekue itshenat anite apishish tshe apit. Ekue aitit miam uieueshtat anite tshe apit.<\/p>\n\n\n\n<p class=\"wp-block-paragraph\">Passe anitshenat issishuauat innuat. \u00abApu uesha shuk<sup>u<\/sup> kie eka innishit!\u00bb<\/p>\n\n\n\n<p class=\"wp-block-paragraph\">Katshi tshishi-ueueshtat. \u00abEukuan miam, eku\u00bb, iteu Tshakapesh.<\/p>\n\n\n\n<p class=\"wp-block-paragraph\">Ekue tshishtaikanit nenu uishtinnu, ekue uauuipannit amishkua. Tshakapesh ekue utshipatat napatetiniss, ekue uepinat anite kunit, ekue utamuat. Peik<sup>u<\/sup> ne napeu ekue issishuet&nbsp;: \u00abApu shuk<sup>u<\/sup> animiut tshetshi utinat.\u00bb<\/p>\n\n\n\n<p class=\"wp-block-paragraph\">Kasthi nipiat nenua mashkua, Tshakapesh ekue makupitat, \u00ab\u00a0eukuannu tshe tshiuetishimuat\u00ab\u00a0, itenimeu ne peik<sup>u<\/sup>.<\/p>\n\n\n\n<p class=\"wp-block-paragraph\">Ekue nakanat ashit iteu&nbsp;: \u00abEka pitama tshiue, ashuapata uenapissish, tshika uapaten tshe tutakuin manituanut! Apu tut minikuin ne amishk<sup>u<\/sup>.\u00bb<\/p>\n\n\n\n<p class=\"wp-block-paragraph\">\u00abTshe nanituenimekuat anitshenat, tshinuau kanauenimekuat ka nipeikau, anitshenat. Tshinuau eshinakuanit tshetshi kashtinekuat\u00bb, iteu Tshakapesh nenua ka ui nakanikuat tshetshi tshitutet.<\/p>\n\n\n\n<p class=\"wp-block-paragraph\">Ekue makunat nenua napeua, ekue pimipatamuat ushpitunua.<\/p>\n\n\n\n<p class=\"wp-block-paragraph\">Anitshenat kutakat ekue issishuetau&nbsp;: \u00abEka nutshiatau. Uinnitshe Tshakapesh. Apu animiut ka ui aitit. Uinnitshe\u00bb.<\/p>\n\n\n\n<p class=\"wp-block-paragraph\">Tshakapesh ekue tshiuetiat umishkua anite uitshit. Tekushinit, ekue itat umisha: \u00abNimish, amishk<sup>u<\/sup> nipeshuau!\u00bb<\/p>\n\n\n\n<p class=\"wp-block-paragraph\">\u00abTshitutetakapan nete\u00bb, ituku umisha.<\/p>\n\n\n\n<p class=\"wp-block-paragraph\">\u00abEshe nituteti, tshe ishpish eka taian, tshissu ne amishk<sup>u<\/sup>\u00bb ituku.<\/p>\n\n\n\n<p class=\"wp-block-paragraph\">Uenuit, Tshakapesh petueu auennua kashkuashkuaniti aitikuianna. Ekue itutet nete ka petak , ekue issishuet: \u00ab\u00a0Nimish nishtuapametshe, nika natshi-uitamuau\u00ab\u00a0.<\/p>\n\n\n\n<p class=\"wp-block-paragraph\">Ekue tshiuet uitshuat, ekue itat umisha: \u00abNimish, nipetuauat nete auenitshenat.\u00bb<\/p>\n\n\n\n<p class=\"wp-block-paragraph\">\u00abAtshenishkueu an, Mishtapeu utishkuema. Nishinnua utanisha, eka uin itute. Ne ukaumau nipieu auennua. Uiapamati&nbsp; nipieu,\u00bb iteu ne ishkuess.<\/p>\n\n\n\n<p class=\"wp-block-paragraph\">\u00abEukuan nimish, tshikushtatshimin!\u00bb Uapatinieu nenua umisha nenu uapineu upiuinua, tshetutat: \u00abAit nete nika ituten\u00bb, iteu nenua umisha.<\/p>\n\n\n\n<p class=\"wp-block-paragraph\">Eukuan aitit, muk<sup>u<\/sup> katshi kutauashkuaik, ekue issishuet&nbsp;: \u00ab\u00a0 Apu tapuetuk nenu etatshimut, nika ashatshuapamau.\u00bb<\/p>\n\n\n\n<p class=\"wp-block-paragraph\">Ekue tshitutet nianituapamat, aiat pessish teu. Ek<sup>u<\/sup> anitshenat ishkuessat ka kashkashkuatau nenua atikuiana ekue papitau. Tshakapesh aiat petashtamuteu kie tapishkatsheu nenu upiui, uapineua upiuinua. Ek<sup>u<\/sup> ne ukaumau anite pitakumit ka tat patshuianitshuapit, ekue petuat piapaniti utanisha. Ekue aitapit anite unuitamit, ekue uapamat unatshima.<\/p>\n\n\n\n<p class=\"wp-block-paragraph\">\u00abTshekuan ueshinamek<sup>u<\/sup>, nitanishitik<sup>u<\/sup>?. Tshushinuauau a ne napeu?\u00bb<\/p>\n\n\n\n<p class=\"wp-block-paragraph\">\u00abMauat, uishkatshan an\u00bb iteuat anitshenat ishkuessit. Tshitshipatuau nenua upiui-atikua anite nueuepanimuanan nanikutini.\u00bb<\/p>\n\n\n\n<p class=\"wp-block-paragraph\">\u00abMauat, namieu, itukut nenu ukauiuau. Napeu an, tshikamueipan nenu uapineua upiuinua anite ushkassakinit\u00bb.<\/p>\n\n\n\n<p class=\"wp-block-paragraph\">Ek<sup>u<\/sup> anitshenat ishkuessit ekue itatau nenua Tshakapesha tshetshi akua tutuakaniti ukauiuaua.<\/p>\n\n\n\n<p class=\"wp-block-paragraph\">\u00abTshika ui ashimik<sup>u<\/sup> innu-piminnu, eka uin mitshi ne pimi uishauau. Ninan tshika ashamitinan pimi kie tshika tshi mitshin.\u00bb<\/p>\n\n\n\n<p class=\"wp-block-paragraph\">Ekue pitakaiat nenua ukauiuaua unatshiminua. Ekue ushtashkupishtuatau nenua ukauiuaua e nishtitau. Tshakapesh anite tashtuit utapu ekue ashamakanit. Atshenishkueu ekue tshimishak nenu piminnu ka uishauanit ekue utinamuat.<\/p>\n\n\n\n<p class=\"wp-block-paragraph\">Tshakapesh asit iteu&nbsp;: \u00abUmue nitanishituk<sup>u<\/sup> ui mitshiti umennu\u2026<\/p>\n\n\n\n<p class=\"wp-block-paragraph\">Anitshenat ishkuessit ekue itatau nenu Tshakapesh&nbsp;: \u00abEukuan innu-pimi, eka uin mitshi\u00bb. Shash nanun ne pimi.<\/p>\n\n\n\n<p class=\"wp-block-paragraph\">\u00abAnitshenat nitanishat issishueau niteieshkushin ishpish kanauenimikau, utin\u00bb.<\/p>\n\n\n\n<p class=\"wp-block-paragraph\">Muk<sup>u<\/sup> apu auennua utiminiti upimim<sup>u<\/sup>.<\/p>\n\n\n\n<p class=\"wp-block-paragraph\">\u00abTshika mashikatunanun\u00bb, iu ne ukaumau. \u00abTshika uapamau tan eshpishit!\u00bb<\/p>\n\n\n\n<p class=\"wp-block-paragraph\">\u00abEka uin nipei! iteuat anitshenat ishkuessat, ni ui uitshimanan\u00bb.<\/p>\n\n\n\n<p class=\"wp-block-paragraph\">\u00abApu tshikut nipeik, muk tshiam nui mashikuau\u00bb, issishueu.<\/p>\n\n\n\n<p class=\"wp-block-paragraph\">Ekue tshikamutat nenu umashitsheu-akup, ekue uishamat nenua Tshakapesha, ekue natshipatat nenua utanisha. Tshakapesh ekue itat nenua ishkuessa tshetshi ushte ititeniti tshetshi eka nutshikuat.<\/p>\n\n\n\n<p class=\"wp-block-paragraph\">\u00abPeikuau muk mika mashitshen\u00bb, issishueu ne Tshakapesh.<\/p>\n\n\n\n<p class=\"wp-block-paragraph\">\u00abEka uin nipei\u00bb, iteuat anitshenat ishkuessat nenua ukauiuaua.<\/p>\n\n\n\n<p class=\"wp-block-paragraph\">\u00abApu tshikut nipeik\u00bb. Ekue mashikatutau ashit Tshakapesha, nasht apu manatshipatat.<\/p>\n\n\n\n<p class=\"wp-block-paragraph\">\u00abNitanishituk<sup>u<\/sup>, apu shuk<sup>u<\/sup> uinnut. Nananat kutakat anu uinnipanat!\u00bb<\/p>\n\n\n\n<p class=\"wp-block-paragraph\">Ekue muneik nenu neikanu, ekuat takunnit ashininnu eshk<sup>u<\/sup> umikunnu.<\/p>\n\n\n\n<p class=\"wp-block-paragraph\">\u00abEka nipei\u00bb, iteuat anitshenat ishkuessat. Tanite ekuat anite ashinit nanitam<sup>u<\/sup> nipiepan nenua kutaka innua. Apu tshikut nipeik<sup>u<\/sup>\u00bb iteu.<\/p>\n\n\n\n<p class=\"wp-block-paragraph\">Minuat ekue utshipatat nenua unatshima, eukuannu nasht apu shatkutshipatat.<\/p>\n\n\n\n<p class=\"wp-block-paragraph\">\u00abNitanishitik<sup>u<\/sup>, uinu\u00bb, issishueu.<\/p>\n\n\n\n<p class=\"wp-block-paragraph\">Tshakapesh usht&nbsp; ui tutam miam meshta-kushikutit. Minuat ekue kutshipanitat tshetshi itshipatat, apu tshi tutuat.<\/p>\n\n\n\n<p class=\"wp-block-paragraph\">\u00abPeikuau nika mashitshen\u00bb, issishueu Tshakapesh.Ekue itat nenua ishkuessa: \u00abTan tshe tutuk ume tshikauiuau? Tshika mitatauau a nipeiki? Mitatek<sup>u<\/sup>, apu tshikut nipeik iteu. Muk<sup>u<\/sup>, eka mitateku, nika nipiau.\u00bb<\/p>\n\n\n\n<p class=\"wp-block-paragraph\">\u00abNika mishta-minuenitenan\u00bb, ituku nenua ishkuessa.<\/p>\n\n\n\n<p class=\"wp-block-paragraph\">Ekue utshipatakau ishkuasseua ekue ututamakateuaht nenua ukauiuaua.<\/p>\n\n\n\n<p class=\"wp-block-paragraph\">\u00abPatshitini iteu nenua Tshakapesha. Tshishuapuat\u00bb.<\/p>\n\n\n\n<p class=\"wp-block-paragraph\">\u00abMauat, eka patshitin, issishueuat anitshenat ishkuessat, nika nipeikunan\u00bb.<\/p>\n\n\n\n<p class=\"wp-block-paragraph\">\u00abItshetek<sup>u<\/sup> anite\u00bb itukut Tshakapesha. Ekue utshipatat, ekue upapatat ekue anat anite ashininu tekuannit ekue nipiat.<\/p>\n\n\n\n<p class=\"wp-block-paragraph\">\u00abAshtam nitshinat itutetau\u00bb iteu nenua ishkuessa. Nimish peikussu kiashikanit tshe uitapamek<sup>u<\/sup>.<\/p>\n\n\n\n<p class=\"wp-block-paragraph\">Tekushinnit nete uitshuat, ekue itat umisha:\u00abNimish, ni peshuauat nish ishkueuat, eukuan tshe ishpish mueshtatamin, tshika teuat tshuitsheuakanat.<\/p>\n\n\n\n<p class=\"wp-block-paragraph\">\u00abTshi nipeimatakupana ukauiuaua\u00bb, iteu.<\/p>\n\n\n\n<p class=\"wp-block-paragraph\">\u00abUinuau nishitshimukutit tshetshi nipeimiki\u00bb, iteu.<\/p>\n\n\n\n<p class=\"wp-block-paragraph\">\u00abTshekuan ne uet tutamin\u00bb iteu.<\/p>\n\n\n\n<p class=\"wp-block-paragraph\">\u00abUinuau nitukutit tshetshi aituk\u00bb. Eukuan tshe uitsheuakanin, iteu.<\/p>\n\n\n\n<p class=\"wp-block-paragraph\">Tshakapesh ekue uitshimat nenua peik<sup>u<\/sup> ishkuessa.<\/p>\n\n\n\n<p class=\"wp-block-paragraph\">Minuat ekue unuit ahit issishueu&nbsp;: \u00abNika nanitu-anakutshashueten. Uitapamek<sup>u<\/sup> ne nimish\u00bb.<\/p>\n\n\n\n<p class=\"wp-block-paragraph\">Anite nenu etat, petueu auennua teuueniti. \u00ab\u00a0Nimish nishtuapametshe, nika natshi-uitamuau\u00ab\u00a0, itenitam<sup>u<\/sup>. Ekue tshiuet.&nbsp;<\/p>\n\n\n\n<p class=\"wp-block-paragraph\">\u00abNimish, ni petuauat nete auenitshenat. Tuueuat.\u00bb<\/p>\n\n\n\n<p class=\"wp-block-paragraph\">\u00abEka uin nanatuapamat ituku umisha. Ushtukuan-muashkunu metuatsheuat. Eukuan Mishtapeu. Ek<sup>u<\/sup> auennua nenituapamukuht, pimushinataueuat nenu ushtukuan-muashkunu ekue makumukut auen.\u00bb&nbsp;<\/p>\n\n\n\n<p class=\"wp-block-paragraph\">\u00abNimish tshi kushtatshimin, iteu Tshakapesh. Ait nete nika ituten. Tshitapami mate tshe ishi-tshituteian\u00bb.<\/p>\n\n\n\n<p class=\"wp-block-paragraph\">Tapue anite ait ishi-tshituteu katshi kutauiashkuaik, ekue issishuet: \u00abApu tapuetuk nenu essishuet nimish, nika ashatshuapaten.\u00bb<\/p>\n\n\n\n<p class=\"wp-block-paragraph\">Ekue itutet nete etaniti nenua innua. Mishta minuashinu anite etaniti mushuanu, tuuanu. Uapameu Tshakapesha meshta-pukutaniti. \u00abmishta-utshepinua emakunaminiti nenua ushtukuannu at shuk mishta-katak<sup>u<\/sup> uiepinaminiti kau ekue uepinaminua kie ushepinua. Mishta-pukutauat itenimeu Tshakapesh. Nipa minueniten tshetshi makunak, nimish tshipa tshi uitshimeu.&nbsp; Tshima uepinamuht ushtukuannu anite etaian, itenitam.<\/p>\n\n\n\n<p class=\"wp-block-paragraph\">Kie eukuan eshpannit, uepinamaku nenua ushtukuannu anite etat ne Tshakapesh ek<sup>u<\/sup> ne auen ua makunak ekue nituapamat, ekue makunat ne Tshakapesh&nbsp;: \u00abNitshinat itutetau, tshika uitshimau nimish, nanitam peikussu\u00bb.&nbsp;<\/p>\n\n\n\n<p class=\"wp-block-paragraph\">Ui nanakaueuat nenua Tshakapesha tshetshi tshiuetiakaniti kie iteuat&nbsp;: \u00abEka nutshi ne.<sup>\u00bb<\/sup><\/p>\n\n\n\n<p class=\"wp-block-paragraph\">\u00abNapeuat an tshinuau iteu ne Tshakapesh, tshika tshi iat shaputue tuuenauau. Ishkueat a tshitenimitishunauau?\u00bb&nbsp;<\/p>\n\n\n\n<p class=\"wp-block-paragraph\">Tshakapesh ekue utshipatat ekue pimipatamuat ushpitunnu, eka nenu tutuat atut tshi tshiuetieu uitshuat. Mishta-aiashikueu ne napeu.&nbsp;<\/p>\n\n\n\n<p class=\"wp-block-paragraph\">\u00abEka nutshiek<sup>u<\/sup>, Tshakapesh etshe. Nasht apu animut nenua ka ui aitit\u00bb, iuat anitshenat innuat.<\/p>\n\n\n\n<p class=\"wp-block-paragraph\">Tshakapesh ekue tshitutet tshiuetieu nenua. \u00abAshtam nitshinat itutetau iteu nenua<\/p>\n\n\n\n<p class=\"wp-block-paragraph\">innua. Tshika uitshimau nimish peikussu.\u00bb<\/p>\n\n\n\n<p class=\"wp-block-paragraph\">Tekushinit uitshuat, Tshakapesh ekue issishuet&nbsp;: \u00abNimish, napeu ni peshuau tshe uitshimit tshin nanitam muieshtatamin.\u00bb<\/p>\n\n\n\n<p class=\"wp-block-paragraph\">\u00abTshi nituapamatakupan anitshenat innuat\u00bb, iteu ne ishkuess.<\/p>\n\n\n\n<p class=\"wp-block-paragraph\">\u00abEshe ni nituapamatit\u00bb iteu ne Tshakapesh. Anutshish tshika tshi uitshimau ne napeu. Nin nanitam ka peikuteshian ka nanitu-anakutshashueteian, tshika teu auen tshe uitsheuk<sup>u<\/sup>\u00bb, issishueu.<\/p>\n\n\n\n<p class=\"wp-block-paragraph\">Iat mamu nanitam ekue tatau minekash muk<sup>u<\/sup> tshiam nanitu-anakutshashuueteu mani.<\/p>\n\n\n\n<p class=\"wp-block-paragraph\">Tshakapesh nanitu-anakutshashueteu ashit enua uishtau shassikut ekue petuatau auennua uieuepashiniti. \u00abAuenitshenat pishk ma issishueu. Eka uin anite itutetau, iteu uishatau. Ashtam patima natshi uitamuatau nimish, uin tshissenimetshe nenua auennua\u00bb.<\/p>\n\n\n\n<p class=\"wp-block-paragraph\">Ekue tshiueht uitshuat.&nbsp;<\/p>\n\n\n\n<p class=\"wp-block-paragraph\">\u00abNimish\u00bb, iteu ne Tshakapesh \u00abni petuanan auenitshenat uieuepashitau\u2026?\u00bb<\/p>\n\n\n\n<p class=\"wp-block-paragraph\">\u00abEka uin itute ituku umisha. Anitshenat innuat ueuepashuat anite ashinit anite pessish kassekat. Ek<sup>u<\/sup> anite utapakatenu nenua apishanapinua aitu anite ashinit. Anite enat ne tekuat paushtuk<sup>u<\/sup> tshishtuit. Ekute eshtet assik<sup>u<\/sup> uteuapui nasht shakassinepeu. Ek<sup>u<\/sup> ne auen nenu uieuepashiti, ekue passishuaht. Ne auen ekue patshishinit anite assikut\u00bb.<\/p>\n\n\n\n<p class=\"wp-block-paragraph\">\u00abEukuan, nimish, tshi kushtatshamin. Eukuan ishpish uauitamu ne tipatshimun! Apu tshikut ituteiat, ait anite nika itutenan. Tshitapaminan mate tshituteiati.<\/p>\n\n\n\n<p class=\"wp-block-paragraph\">Tapue ait nete ishi-tshituteuat. Tshakapesh tshitutau piminu mak upiuishipa upineu upiuinua kie katueu nenua umisha. Eukuannu nenu kiatat.<\/p>\n\n\n\n<p class=\"wp-block-paragraph\">\u00abAshtam nituapamatau, ashtam natshi shatshuapamatau tshekuannu e tutakau\u00bb, iteu nenu uishtau. Ekue tshitutetau, ekue nanituapamatau nenua innua. Pessish etaht, Tshakapesh ekue itat&nbsp;: Shash pessish tshi tananu, tshika uishamukunuat tshetshi ueuepashuak. Tshin eka uin itute, nin nika ituten. Tshe nakatuenimin tshe ishpish ueuepashian. Tshi passishikau nenua apishanapinua, anite nika patshishin assikut. Muk<sup>u<\/sup> tshiam tshika nakatuapamauat anitshenatupiuiship. Ek<sup>u<\/sup> nipi, uteti, kie uauieshinateti, eukuat tshe uapamitau anitshenat tshe akutshinnit upiuiship. Eukuan tshe sheniman ni massamuteush ne pimi ka kanauenitaman tshe ussitapatshipan. Tshe itatyau anitshenat innuat tshetshi uashkapishtakau nenua assikunu tshe ishpish ueuepashian. Ek<sup>u<\/sup> uapatamini ne upiuia anite ussitapet tshe itatau shash tshekat tshika nukuan pimi\u00bb.<\/p>\n\n\n\n<p class=\"wp-block-paragraph\">Tshakapesh katshi kassinu uauitamuat nenu tshe aitiniti uishtau, ekue itutetau anite enishitau anite etaniiti nenua pessish.<\/p>\n\n\n\n<p class=\"wp-block-paragraph\">\u00abManiteuat!\u00bb issishueuat anitshenat innuat. Ashtam ueuepashuk!\u00bb<\/p>\n\n\n\n<p class=\"wp-block-paragraph\">\u00abTanite nipa tshi ueuepashinan, iteu Tshakapesh, apu nita uapamitshit nenu auen aitit!\u00bb<\/p>\n\n\n\n<p class=\"wp-block-paragraph\">\u00abEukuan umue tshe tutamek<sup>u<\/sup> tshitapaminan\u00bb, issishueu ne peik<sup>u<\/sup>.<\/p>\n\n\n\n<p class=\"wp-block-paragraph\">Peik<sup>u<\/sup> ne ekue ueuepashit anite nenu tshishtuit paushtukunu anite ut nitshipataku nenua kutak napeua papeik. \u00abTshi uapatenau a tshe tutamek<sup>u<\/sup>? Iteuat anitshenat innuat.<\/p>\n\n\n\n<p class=\"wp-block-paragraph\">\u00abEshe nin nika ituten, peikuau muk nika ituten\u00bb, iteu Tshakapesh.<\/p>\n\n\n\n<p class=\"wp-block-paragraph\">Ekue ueuetapit ekue ueuepashit. Nenu eshpish natshipatanait anite ueuepashuan, muk<sup>u<\/sup> aiat tshishipanu. Eukuannu pessishuakanit, Tshakapesh ekue putishuepanit anite assikut anite tshishtuit ka-ishtenit nenu shipit. Ek<sup>u<\/sup> anitshenat innuat ekue nituapatakau nenu assikunu eukuannu nenua uishtaua Tshakapesh tshatamanit tshetshi ussitapekutshinnit nenu upiuishipa. Shassikut ekue ussitapekutshinnit.<\/p>\n\n\n\n<p class=\"wp-block-paragraph\">\u00abApuk<sup>u<\/sup> anite pessish assikut iteu, shash tshekat tshika nukuan pimi tshe mamushitinamek<sup>u<\/sup>\u00bb.<\/p>\n\n\n\n<p class=\"wp-block-paragraph\">Pessish ekue itutetau anite assikut. Ekue uashkapishtakau. Eukuannu Tshakapesh shienak upimim. Shash ekue apatenit&#8230; Ekue pishikut ekue kuetipatak nenu assikunu, kassinu kuetipatam nenu piminu anite uashka. Ekue kushit anite takutaut, ishpanitaukashinu nenu anite tekuannit. Ekue minipatak upiuia anite ushkassikan, kassinu anite ueuepinam muk<sup>u<\/sup> upishkuana ut kanauenitam, umamana, umamamissa.<\/p>\n\n\n\n<p class=\"wp-block-paragraph\">\u00abMinuat innuat inniutau, issishueu muk<sup>u<\/sup> tshika upishkunnuat. Eukuan tshe ishinakushitau\u00bb.<\/p>\n\n\n\n<p class=\"wp-block-paragraph\">Ueshkat nutam minaushikapanat innuat.<\/p>\n\n\n\n<p class=\"wp-block-paragraph\">\u00abAshtam tshiuetau\u00bb, iteu Tshakapesh nenua uishtaua.&nbsp; Shikatshu apu upiuauat.<\/p>\n\n\n\n<p class=\"wp-block-paragraph\">Ekue takushinitau uitshuat Tshakapesh ekue itat umisha: \u00abNuteuapukutaukutan. Ni natshi ueuepashitan\u00bb.&nbsp;<\/p>\n\n\n\n<p class=\"wp-block-paragraph\">\u00abTshekuan anite uet ituteiek?\u00bb iteu ne umishimau.<\/p>\n\n\n\n<p class=\"wp-block-paragraph\">\u00abNi shatshuapamatanan ekue ishimat tshetshi ueuepashutshit. Nin ekue ituteian ekue passishakau pishanapinu, eekue putshishuepanian anite assikut\u00bb, itatshamu ne Tshakapesh. Nasht mushushiu, ekuat anite muk<sup>u<\/sup> ushtikuanit uepiuauat. Nenu upishkuana, umamama mak umamamissa. Ekue tutakannit umatshunishima ekue tshitutet ekue natshi natuut.<\/p>\n\n\n\n<p class=\"wp-block-paragraph\">\u00abEka uitsheui, iteu Tshakapesh nenu uishtau. Nika peikuteshin.\u00bb<\/p>\n\n\n\n<p class=\"wp-block-paragraph\">Ekue tshitutet nanitu-anakutshashueu. Shassikut, katshi pimutukuatat anakutshasha anite mineikut ekue matshimushimat ukashkua anite mishtikut. Ekue kushit nituapamau. Uetitanat, ekue putatat nenua mineika. Kie petueu nenua anakutshasha kueshipataniti. Shassikut, apu tshekuannu petak, \u00abTan ishinakuannutshe anite ishpimit itenitam\u00bb, ekue kushit. Uetitat nenua anakutshasha, minuat ekue putatat nenu mineika. Kie ne anukutshah kuishkushiu kueshipatat petueu Tshakapesha&#8230; Shassikut ekue eka petuat. \u00abTan ishinakuannutshe anite anu ishpimit\u00bb, itenitam ne Tshakapesh minuat.<\/p>\n\n\n\n<p class=\"wp-block-paragraph\">Minuat ekue kushit, uetitat nenua anakutshasha, minuat ekue putatat nenua anakutshasha kie nenu mishtik<sup>u<\/sup> mineikua. Nakutshashk ekue kushipatat eiapit kie Tshakapesh petueu nenua tetueiashkupitanit. Shassikut ekue eka petak tshekuannu.&nbsp;<\/p>\n\n\n\n<p class=\"wp-block-paragraph\">\u00abTan ishinakuannutshe anite ishpimit\u00bb, itenitam.<\/p>\n\n\n\n<p class=\"wp-block-paragraph\">Shassikut, ekue tskushinit nete takuannu anite assinu. Ekue pamutet. Ekue uatat auennua pamuteshipan ute auen itenitam. Miam anukutshash eukuan eshinitukushit kassinu anite eishpatau. Kassinu anite papamipaitinanunishipani. Tshakapesh kassinu anite eituteu kie kassinu anite uapatam anite pemutannukueni kie nuasht anite ka pimutet pimutanunishipan.&nbsp;<\/p>\n\n\n\n<p class=\"wp-block-paragraph\">\u00abTshekuantshe, itenitam. Ekue kutat unakuana, ekue tshitutet anite nenu ka pimutanun. Mekuat mak e pimutet, shassikut ekue kashtashpishkat. Tshekuatshe itenitam? Etshe ninakuan\u00bb, itenitam. Ekue tshiuepatat ekue shatshuapatak unakuan, ekue uapamat pishum miamashitsheniti. Ekue uepinat nenua anakutshasha tshetshi pashkataminit nakuaniapinu. Muk<sup>u<\/sup> ne anakutshash ekue ishkuashut. Minuat ekue itashuat apukushisha tshetshi pashkataminit nenu apishanapinu&#8230; Eukuannu mashten uiepanat, ne anakutshash anite tshetshe tshiuetin ka tat eukuan ka tshi pashkatak nenua nakuanipinua. Kau ekue tshishikat.<\/p>\n\n\n\n<p class=\"wp-block-paragraph\">\u00abTshekat ni nipitan assi, itenitam ne Tshakapesh. Ekue nitapukushit, ekue tshiuet anite uitshuat.<\/p>\n\n\n\n<p class=\"wp-block-paragraph\">\u00abEukuat anite tshe taiat, mishta mitshetu anakutshash, itenitam. Ekue shaputuetet. Tiekushinit uitshuat ekue itat nenua umisha: \u00abNimish ni mishken nete assi. Eukaut tshe taiak.\u00bb<\/p>\n\n\n\n<p class=\"wp-block-paragraph\">Minuat uiapannit eukuat etutet. Tekushiniht anite mineikut, Tshakapesh ekue itat: \u00ab Mishta-mitshetu anakutshash anite\u00bb. Ushkat uishtau kushinua minuat Tshakapesh utishkuema, mashten umisha ek<sup>u<\/sup> minuat uin anite utat.<\/p>\n\n\n\n<p class=\"wp-block-paragraph\">\u00abAnite utat nika ututen iteu patshishinieki tshishkuepanieki ute tshika ut makunitinauau\u00bb.&nbsp;<\/p>\n\n\n\n<p class=\"wp-block-paragraph\">Shashkuepannit, patshishinu Tshakapesh anite ut naushuneu, kassinu ekue tshi takushinitau. Tshakapesh ekue issishuet: \u00abApu tshissenimak tan tshe tutuk ne mishtuk<sup>u<\/sup>. Anitshenat minuat innuat inniuht papamuteht ute pessish tshika uapameuat mishtikua kie tshika ui kushiuat. Nika putatau kau tshetshi ishpashtit miam ka ishpashtit\u00bb.&nbsp;<\/p>\n\n\n\n<p class=\"wp-block-paragraph\">Ekue putatat nenua mineika kau ekue apishissishiniti miam ueshkat ka ishinakushiniti.&nbsp;<\/p>\n\n\n\n<p class=\"wp-block-paragraph\">Tshakapesh ekue itat nenua kutaka: \u00ab Matshik itutek nete ka ui ituteiek, anite tatipan. Nin eukuat ute tshe taian pishimut\u00bb.<\/p>\n\n\n\n<p class=\"wp-block-paragraph\">Nenu uishatu nete ekue anat uapanitshekatakut. Eukuat anite anat. \u00abEukuat ute tshe tain iteu. Ek<sup>u<\/sup> nenu umisha kie utishkuema apu tshissenitakushiniti nana nette etaniti, apu tshissenamat auen.<\/p>\n\n\n\n<p class=\"wp-block-paragraph\">Eukuan eshkuapekat tipatshimun.&nbsp;<\/p>\n","protected":false},"excerpt":{"rendered":"<p>R\u00e9cit de la l\u00e9gende de Tshakapesh par Charles Api Bellefleur R\u00e9cit de la l\u00e9gende Tshakapesh en langue innue Tshakapesh iteu utishkuema; \u00abAshtam uitsheu nanituapamatau ushkuai.\u00bb Ekue itutetau anite pessish ashtamaut anite menashkuanit. Ekuta e nitautshit kassinu eshinakushit mishtiku kie ushkuai. Ekuta nenitshishkuatau nenua Katshituashkua, ekue nipeikutau. Anitshenat innuat, tenishapana utanishuaua, eku ne ishkuess ueniat uikanisha&#8230; <a class=\"more-link\" href=\"https:\/\/histoireinnue.ca\/?page_id=4611#more-4611\">Lire la Suite &rarr;<\/a><\/p>\n","protected":false},"author":142836289,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_coblocks_attr":"","_coblocks_dimensions":"","_coblocks_responsive_height":"","_coblocks_accordion_ie_support":"","advanced_seo_description":"","jetpack_seo_html_title":"","jetpack_seo_noindex":false,"jetpack_seo_schema_type":"","_wpcom_ai_launchpad_about_page":false,"_wpcom_ai_launchpad_gallery_page":false,"_wpcom_ai_launchpad_contact_page":false,"_wpcom_ai_launchpad_events_page":false,"_wpcom_ai_launchpad_video_page":false,"_wpcom_ai_launchpad_portfolio_piece":false,"_jetpack_hide_featured_image":false,"_jetpack_featured_image_duplicate_dismissed":0,"footnotes":""},"class_list":["post-4611","page","type-page","status-publish","hentry","clear"],"jetpack_likes_enabled":true,"jetpack_sharing_enabled":true,"jetpack_shortlink":"https:\/\/wp.me\/PayinP-1cn","_links":{"self":[{"href":"https:\/\/histoireinnue.ca\/index.php?rest_route=\/wp\/v2\/pages\/4611","targetHints":{"allow":["GET"]}}],"collection":[{"href":"https:\/\/histoireinnue.ca\/index.php?rest_route=\/wp\/v2\/pages"}],"about":[{"href":"https:\/\/histoireinnue.ca\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/histoireinnue.ca\/index.php?rest_route=\/wp\/v2\/users\/142836289"}],"replies":[{"embeddable":true,"href":"https:\/\/histoireinnue.ca\/index.php?rest_route=%2Fwp%2Fv2%2Fcomments&post=4611"}],"version-history":[{"count":9,"href":"https:\/\/histoireinnue.ca\/index.php?rest_route=\/wp\/v2\/pages\/4611\/revisions"}],"predecessor-version":[{"id":11024,"href":"https:\/\/histoireinnue.ca\/index.php?rest_route=\/wp\/v2\/pages\/4611\/revisions\/11024"}],"wp:attachment":[{"href":"https:\/\/histoireinnue.ca\/index.php?rest_route=%2Fwp%2Fv2%2Fmedia&parent=4611"}],"curies":[{"name":"wp","href":"https:\/\/api.w.org\/{rel}","templated":true}]}}